萬千星輝賀台慶2023繽紛夜花絮

台慶夜最受歡迎一定系抽獎環節，家燕姐、朱晨麗都係幸運兒，東張女神人氣當旺，新主持Cindy彤彤、長腿貓仔、Hidy，一度與大獎擦身而過，最勁係何沛珈Roxanne抽到象牙麻雀，可以約埋成班主持開枱，星夢學員亦都有多位學員連番中獎，不過最厲害都係年紀最細嘅Sabrina趙紫諾，一擊即中贏咗架車，Sabrina都好鍾意架新車，不過佢太細個，架車暫時都係交俾爹哋媽咪處理，期待快啲可以去游車河。 至於壓軸現金大獎係全晚嘅高潮，陳豪選擇將中獎機會送畀即將結婚嘅馬明，最後佢哋成功拆包剪揼KO咗Hidy進入最後環節，由天然呆馬明大戰未瞓醒Juliana郭珮文，結果由Juliana奪得壓軸現金大獎。